"Er það út af helvítis krippunni??"

 

Það hefur verið mikið um að vera hjá mér seinustu daga.... verkefnaskil, ritgerðir, próf og hópverkefni. Ekki má gleyma vinnunni..

Allur frítími fer svo í ástina, fjölskyldu og vini.
Það eru bara allir e-ð svo busy núna og svo tala ég ekki um ástandið sem er í landinu!!

*Ég hef ákveðið að lýta björtum augum á þetta allt saman og hugsa um þetta sem tímabundið en ekki  missa mig í geðveikinni líkt og sumir hafa gert...*

 

 

Ég fór í sumarbústað seinustu helgi með Agli Steinari og voðalega var það æðislega yndislega rómantískt og kósí. Ég hef aldrei farið í sumarbústað með kærasta né vinum svona á seinni tíð.
Seinast þegar ég fór þá var ég 11 eða 12 og fór með fjölskyldunni minni.
Reyndar fór ég einnig með Brynju líka á þeim tíma en það var líka bara fjölskylduferð.
En allt þó mjög gaman. Ég segi það nú ekki
Ég og Brynja eigum MARGAR gamlar og skemmtilegar mynningar úr bústaðarferðum, t.d. "gufuna", "eru þær franskar" "vöðluævintýrið" o.fl

 

*En það er alltaf yndislegt að búa til nýjar minningar og veit ég þær verða fleiri*

Talandi um litla krakka þá var ég í íslenskutíma í dag og kennarinn okkar byrjaði að segja okkur frá litla stráknum sínum. Þau voru úti að ganga og hann nefndi við hana að hann þyrfti nú þessa flottu úlpu sem kostaði 20.000kr. Mömmunni fannst það nú af og frá og sagði það ekki vera nauðsynlegt. Sá litli varð frekar æstur og alveg "Er það út af helvítis KRIPPUNNI??"

haha, mér fannst þetta fyndið og sætt
Greyið krakkarnir samt að þurfa að vera að pæla í þessum hlutum sem eru að gerast í samfélaginu núna. Skilja hvorki uppné niður!
Hell, fólkið sem stjórnar landinu skilur sjálft varla neitt hvað er að gerast með okkur.
Í dag segir það þetta og á morgun hitt, heh

Við lifum í kripputíð

 

Ég er búin að setjast niður hvert einasta sunnudagskvöld núna síðan Dagvaktin byrjaði og VÁ hvað þetta eru einstaklega fyndnir þættir!
Ég sá ekki alla Næturvaktina því ég bjó úti þegar hún var en ég sá nú alveg slatta í endursýningu og mér finnst Dagvaktin toppa þetta langtumfram
Þátturinn seinast var allavega rosalegur, bíð spennt eftir næsta

Ég er núna komin í 4 daga helgarfrí. Það er semsagt einhvers konar miðannarfrí í skólanum.
*Thank god*
Ég ætla örugglega að kíkja á Októberfest um helgina eða þá bara  njóta rólegheitanna

Lag dagsins :  "Hvar er draumurinn" með Sálinni hans Jóns míns.

"Hvar er lykillinn...vóoooó" 

 

Athugasemdir

[hildur (IP-tala skráð) 9.10.2008 kl. 16:00]

Hvar er draumurinn? Hvar ertu lífið sem ég þrái. Afskaplega á þetta lag vel við á þessum síðustu og verstu...